Што робім

Мы пачалі адвакацыйную кампанію Visa free 4 youth. Мы дамагаемся, каб маладыя беларускі і беларусы маглі свабодна ездзіць у Еўропу — вучыцца, працаваць, удзельнічаць у абменах і проста бачыцца з блізкімі. Наша галоўная мэта — поўная адмена шэнгенскіх віз для моладзі з Беларусі. На шляху да яе мы патрабуем крокаў, магчымых ужо цяпер: бясплатных доўгатэрміновых мультывіз для моладзі з Беларусі і прасцейшай працэдуры падачы дакументаў. Візавыя бар'еры б'юць па тых, хто найменш адказвае за палітыку рэжыму, і адразаюць беларускую моладзь ад Еўропы. Мы будзем даносіць гэта да еўрапейскіх інстытуцый і нацыянальных урадаў. Пакуль кампанію вядзем толькі мы, але мы адкрытыя для партнёрства. Калі ваша арганізацыя хоча далучыцца — напішыце нам.

Кінаклуб па правах чалавека — гэта вечар, калі мы разам глядзім фільм, а потым шчыра і без спешкі абмяркоўваем убачанае. Тэмы — свабода слова і цэнзура, вайна і мірны супраціў, міграцыя, праца, гендарная роўнасць і правы ЛГБТК+. Кінаклуб працуе з лета 2025 года ў Варшаве, Вільні і Любліне. Сустрэчы вядуць ментары, якія прайшлі навучанне. Удзел бясплатны, па папярэдняй рэгістрацыі. Восенню 2026 года стартаваў новы сезон! Расклад паказаў і рэгістрацыя — у нашым Telegram-канале @mhramada і ў Instagram @mhramadaorg. Што мы ўжо глядзелі: A Force More Powerful — пра ненасільны супраціў, які змяняў гісторыю «Ціхі голас» — пра маладога байца, які ўцякае ад пераследу за гомасэксуальнасць Pink Saris — пра жаночы супраціў у Індыі City 40 — пра закрыты савецкі горад за калючым дротам «Вялікі дыктатар» Чарлі Чапліна «Босаногі Гэн» — антываеннае анімэ пра Хірасіму

У 2026 годзе Маладая Грамада прадстаўляла беларускую моладзь на міжнародных пляцоўках — ад Бруселя да Стамбула. Мы распавядаем партнёрам пра сітуацыю ў Беларусі, адстойваем мабільнасць і правы беларускай моладзі ў эміграцыі і пераймаем досвед сацыял-дэмакратаў іншых краін. 4 сакавіка — форум «8+100» у Еўрапарламенце, Брусэль: гаварылі пра мабільнасць беларускай моладзі ў ЕС і праграму Erasmus. 26–29 сакавіка — Сусветны кангрэс сацыялістычнай моладзі IUSY, Стамбул. 21–23 красавіка — адукацыйны візіт у Стакгольм «Мужчыны за гендарную роўнасць», сустрэчы ў Рыксдагу. 11–12 мая — канферэнцыя МЗС Швецыі «Youth, gender and democracy for Belarus». Лета — летнікі маладых сацыял-дэмакратаў: SSU у Швецыі, LSDJS пад Вільнюсам і YES у Польшчы. Верасень — Balkan Round Table і Black Sea Area Committee IUSY ў Паўночнай Македоніі. 18–19 верасня — V Беларуска-ўкраінскі форум Астрожскіх, Кіеў. 10–11 кастрычніка — Youth Politics & International Advocacy Weekend разам з SSU Värmland, Варшава.

Плэйліст з відэа, якія тлумачаць асновы сацыял-дэмакратыі, яе гісторыю, каштоўнасці і сучасныя падыходы.

З 30 ліпеня па 2 жніўня 2026 г. нашы партнёры праводзяць Сацыял-дэмакратычную Акадэмію (СДА) у Варшаве. Тэмы школы будуць прысвечаныя еўрапейскім структурам, еўраінтэграцыі, эканамічным магчымасця краін-кандыдатаў у ЕС і г.д.